Unha vaca propiedade da comunidade do monte veciñal en man común de Santo André de Camporredondo, en Ribadavia, (na que se atopan estes animais para contribuir á prevención de incendios) morreu a consecuencia de un ataque de cans asilvestrados. A existencia dos mesmos, os seus anteriores ataques a gando e o potencial perigo que supoñen foron alertados dende hai meses polos veciños ante as autoridades autonómicas e municipais, sen que se arranxara este problema, segundo informa o portavoz do BNG, Anxo Collarte.
'Este asunto tamén foi advertido polo grupo municipal do BNG no Concello de Ribadavia e deben de porse dacordo as autoridades do goberno municipal coas de Medio Ambiente da Xunta para que este problema deixe de perxudicar aos nosos veciños, en especial aos viticultores e propietarios de montes que se atopan con el a cotío', manifestou.