O operativo de emerxencias do Concello de Ribadavia quedou reducido a tres persoas dende o pasado 31 de decembro, coincidindo co remate dos contratos dun total de 12 efectivos que financia a Xunta. O concelleiro de Servizos, Ignacio Gómez, sinalou que Presidencia aínda non fixo pública a convocatoria para cubrir as prazas vacantes, e a atención polos danos do temporal corre a cargo de voluntarios. A Consellería comprometeuse a renovar os grupos de emerxencias, pero sen fixar unha data concreta.
O balance do Grupo municipal de intervención rápida (Grumir) de Ribadavia correspondente ó ano pasado reflexa un total de 965 actuacións, entre as que destacan 75 en accidentes e 46 en incendios, ademais de 118 traballos de limpeza e retirada de obstáculos. Un programa que viñeron desenvolvendo ó longo do 2009 un total de 15 operarios, divididos en tres turnos de oito horas diarias, baixo a xefatura de Julio Puentes.
Nembargantes, dende o pasado 31 de decembro tan só tres traballadores -os responsables de cada turnoson os que se manteñen operativos, unha vez que os seus 12 compañeiros causaron baixo polo remate dos seus contratos. Esta docena de efectivos dispón dunha nómina que abona a Xunta ó traverso dun convenio coa Federación Galega de Municipios e Provincias (Fegamp) e o periodo laboral é de nove meses.
Estamos nunha situación total de precariedade a nivel das emerxencias nunha época difícil a nivel meteorolóxico, e menos mal que en Ribadavia posuimos un amplo grupo de voluntarios de Protección Civil que están a atender os danos causados polo temporal, sinala Ignacio Gómez, concelleiro de Servizos Públicos.
Convocatoria
O edil socialista lembra que a Consellería da Presidencia comprometérase a publicar a orde que posibilita a contratación dos operarios, pero xa estamos na metade de xaneiro e aínda non sabemos nada. Así, o equipo municipal de goberno de Ribadavia solicitará da Consellería que non demore máis a con vocatoria do concurso para cubrir as 12 prazas vacantes, xa que o noso Grumir proporciona cobertura non só a Ribadavia, senón tamén ó resto da comarca do Ribeiro, que son outros nove concellos, indica o concelleiro Ignacio Gómez.
Según apuntaron fontes de Presidencia, o departamento autonómico procederá á renovación de tódolos grupos de intervención existentes nos municipios galegos para o ano 2010, aínda que non se determinou unha data concreta para que estes poidan solicitar a incorporación dos traballadores.
Nembargantes, dende o pasado 31 de decembro tan só tres traballadores -os responsables de cada turnoson os que se manteñen operativos, unha vez que os seus 12 compañeiros causaron baixo polo remate dos seus contratos. Esta docena de efectivos dispón dunha nómina que abona a Xunta ó traverso dun convenio coa Federación Galega de Municipios e Provincias (Fegamp) e o periodo laboral é de nove meses.
Estamos nunha situación total de precariedade a nivel das emerxencias nunha época difícil a nivel meteorolóxico, e menos mal que en Ribadavia posuimos un amplo grupo de voluntarios de Protección Civil que están a atender os danos causados polo temporal, sinala Ignacio Gómez, concelleiro de Servizos Públicos.
Convocatoria
O edil socialista lembra que a Consellería da Presidencia comprometérase a publicar a orde que posibilita a contratación dos operarios, pero xa estamos na metade de xaneiro e aínda non sabemos nada. Así, o equipo municipal de goberno de Ribadavia solicitará da Consellería que non demore máis a con vocatoria do concurso para cubrir as 12 prazas vacantes, xa que o noso Grumir proporciona cobertura non só a Ribadavia, senón tamén ó resto da comarca do Ribeiro, que son outros nove concellos, indica o concelleiro Ignacio Gómez.
Según apuntaron fontes de Presidencia, o departamento autonómico procederá á renovación de tódolos grupos de intervención existentes nos municipios galegos para o ano 2010, aínda que non se determinou unha data concreta para que estes poidan solicitar a incorporación dos traballadores.
