A Consellería de Cultura, coa colaboración do Concello de Ribadavia, organiza a segunda edición de Espazos Sonoros, que voltan a achegar a música clásica, contemporánea e experimental a lugares do patrimonio cultural galego, coma é neste caso a Igrexa da Madalena. Así, a compañía Le Petit Cirque actuará mañá, mércores, ás 12.00 horas para os escolares, mentres ás 20.00 horas haberá unha función aberta orientada ó público en xeral, que se repetirá ó xoves ó mediodía.
O concelleiro de Cultura de Ribadavia, Anxo Collarte, sinala que se trata dun ciclo orixinal no panorama cultural galego, unha oportunidade para achegarse a novas experiencias artísticas no ámbito musical e no que participan agrupacións senlleiras a nivel galego e internacional.
A instrumentación de Le Petit Cirque parte integramente de obxectos feitos a man e reutilizados, e o son vai buscar as súas fontes nos datos escénicos, nun xeito de circo sonoro no que a acción enriquece o son e o son altera a acción, apuntan os organizadores.
Estilos Por outra banda, en Espazos Sonoros ten cabida un amplo abano de propostas nas que se dilúen as barreiras entre diferentes estilos musicais: música vocal, antiga e de cámara, música para órgano, jazz, canción de autor, folk, música contemporánea, electrónica e incluso danza. A Igrexa da Madalena voltará a acoller os días 23 e 30 de maio actuacións deste programa. Concretamente, ás de U-lo Trío e 2us(Dous), respectivamente, ás oito e media do serán.
A instrumentación de Le Petit Cirque parte integramente de obxectos feitos a man e reutilizados, e o son vai buscar as súas fontes nos datos escénicos, nun xeito de circo sonoro no que a acción enriquece o son e o son altera a acción, apuntan os organizadores.
Estilos Por outra banda, en Espazos Sonoros ten cabida un amplo abano de propostas nas que se dilúen as barreiras entre diferentes estilos musicais: música vocal, antiga e de cámara, música para órgano, jazz, canción de autor, folk, música contemporánea, electrónica e incluso danza. A Igrexa da Madalena voltará a acoller os días 23 e 30 de maio actuacións deste programa. Concretamente, ás de U-lo Trío e 2us(Dous), respectivamente, ás oito e media do serán.
