A posta en marcha dun programa de actividades formativas e lúdicas por parte do Concello de Carballeda de Avia no pasado mes de outubro está a ter unha importante acollida por parte dos veciños do municipio. Dende os cursiños de inglés para rapaces de ata 12 anos ata os cursos de iniciación e perfeccionamento de internet, aerobic e ioga abertos a tódalas idades, baixo o lema 'Se queres, podes'.
O alcalde, Luis Milia, destaca a sección 'As nosas cousas na rede', 'que ten coma obxectivo que os rapaces aprendar a facer os seus blogs e colgar fotos das paisaxes do municipio ou das actividades no colexio'. Ademais, unha psicóloga utiliza un programa informático para que as persoas maiores exerciten a súa memoria, 'e o máis curioso é que hai veciños e veciñas de 70 e 80 e case 90 anos que participan activamente', subliña o rexedor. Tamén se iniciou un taller para o manexo do carné electrónico, de xeito que os alumnos logo poidan realizar xestións dende a súa propia casa.
Luis Milia apunta que 'as actividades lévanse a cabo en horario de mañá, tarde e noite nos nove centros sociais abertos nas parroquias de Carballeda, e están a asistir unhas 400 persoas'. O alcalde engade que, 'deste xeito, a xente do rural non se refuxia nas casas nestes meses de frío, co que se conquire un marco de convivencia entre veciños de diferentes núcleos de poboación'.
Luis Milia apunta que 'as actividades lévanse a cabo en horario de mañá, tarde e noite nos nove centros sociais abertos nas parroquias de Carballeda, e están a asistir unhas 400 persoas'. O alcalde engade que, 'deste xeito, a xente do rural non se refuxia nas casas nestes meses de frío, co que se conquire un marco de convivencia entre veciños de diferentes núcleos de poboación'.
