Os voluntarios europeos da Oficina Municipal de Información Xuvenil, OMIX de Ribadavia, reanudan a actividade dirixida á mocidade da comarca do Ribeiro, e fano respectando todas as medidas de seguridade e adaptadas a nova normativa. A última proposta é o obradoiro do ukelele, con orientacións fáciles e simples, útiles para aquelas persoas que comezan a practicar con este instrumento.
O voluntario italiano do Corpo Europeo de Solidaridade, Demetrio Rampin, experto en música, celebra reunións grupais os martes de 19,00 a 20,00 horas con adultos afeccionados (18 a 39 anos); e os xoves de 11,00 a 12,00 horas e de 12,00 a 13,00 con mocidade de 12 a 18 anos de idade, no centro sociocultural da Madalena.
A música apréndese cunha mirada práctica e teórica ao instrumento co que se profundiza en coñecementos básicos de armonía, melodía e ritmo.