A recadación permitirá á asociación, segundo destacou a entidade, "continuar financiando proxectos en investigación oncolóxica
A Asociación Española Contra o Cancro (aecc) sairá á rúa este xoves en Ourense con motivo do `Día de la Cuestación` para loitar contra o cancro.
Con máis de 110 persoas voluntarias, unhas 110 huchas e un total de 10 mesas repartidas pola cidade de Ourense e algúns puntos da provincia, a aecc solicitará directamente a colaboración da cidadanía na loita contra o cancro.
A recadación permitirá á asociación, segundo destacou a entidade, "continuar financiando proxectos en investigación oncolóxica, seguir realizando programas de apoio e acompañamento á persoa enferma e a súa familia e incidir en campañas de prevención e detección precoz da enfermidade".
Todos os servizos da aecc, segundo lembra a asociación, son gratuítos, polo que destaca que "o peditorio é vital para poder seguir manténdoos".
As mesas estarán distribuídas por toda a cidade en puntos como Covadonga, Delegación de Defensa, Complexo Hospitalario Universitario de Ourense (CHUO), Xoán XXIII, Paseo, A Follateira e colexio Salesianos.
