O conselleiro de Sanidade estivo na cidade para inaugurar a V Xornada Autonómica Paime, onde destacou "o papel fundamental do colectivo médico no sistema de saúde público"
O conselleiro de Sanidade, Jesús Vázquez Almuiña, inaugurou este sábado en Ourense o V Xornada Autonómica Paime (Programa de atención intengral ao médico enfermo). No acto destacou "o papel fundamental do colectivo médico no sistema de saúde público e a necesidade de reflexionar sobre a persoa do médico e a súa saúde".
Máis tarde, Almuiña acudiu a Allariz para clausurar as xornadas da asociación de farmacéuticos de atención primaria, onde remarcou que "estes profesionais traballan para conseguir a máxima eficiencia na utilización dos recursos do sistema para que consigan os mellores resultados na saúde".
O conselleiro estivo acompañado por José Manuel Bendaña, membro do Observatorio Nacional de Agresiones de la Organización Médica Colegial (OMC) e secretario xeral do Colexio de Médicos de Ourense, e por José Luis Jiménez, presidente Colexio de Médicos de Ourense.
