Rafael Villariño contesta as preocupacións dos socialistas ourensáns
En que eixos debe cimentarse o PSOE de Ourense nesta nova etapa que inicia o partido?
O eixo fundamental ten que ser devolver á cidadanía todos os poderes das administracións públicas. Para iso, hai que lograr poñer os fondos nos concellos no desenvolvemento da provincia, non no clientelismo.
Que é o primeiro que faría se resulta elexido como secretario provincial tras estas primarias?
Preparar raudamente o Congreso, a conferencia política, as eleccións para a executiva. Pero o máis importante despois é planificar de xeito sistemático as vindeiras municipais.
Que destacaría do seu rival nesta segunda volta?
O mesmo que todos os que formamos parte deste proceso, a decisión, vontade de cambiar un partido e convertilo en referente. Para iso necesítase valentía.
Por que considera que é a persoa adecuada para liderar o partido?
Porque despois de dez anos no ámbito municipal, cunha experiencia contrastada de desenvolver políticas de esquerda nun concello que sempre estivo gobernado pola dereita. Iso pódese trasladar á provincia.
Haberá integración nos órganos directivos que configurarán en caso de gañar as eleccións?
Sempre o dixen, este partido ou está unido ou non terá posibilidades.
Que necesita a agrupación da cidade de Ourense para recuperar o pulso?
Necesita o mesmo que o partido en xeral, que non existan fracturas, tanto internas, como na relación provincia-cidade. Nós logramos unha integración total.
É necesario negociar con Pachi Vázquez para lograr un pacto amplo ou a carreira debe ser libre?
A carreira dos militantes sempre é libre, o voto é individual. Neste ámbito, fálase con todo o mundo, non se exclúe a ninguén, non falamos só cunha persoa, somos unha candidatura plural.
Fálase moito da importancia da Deputación para o proxecto do PSOE. Por que cre que é?
É unha entidade que rixe os presupostos e destinos da nosa provincia. Ese papel clientelar que adquiriu ten que desaparecer, non pode ser que non se distribúan os fondos de xeito equitativo.
Que se pode sacar en positivo e que é preciso mudar dos últimos oito anos no PSOE ourensán?
Vale o estilo persoal que tiña Raúl Fernández, era unha persoa conciliadora. O que hai que cambiar?Debemos buscar un proxecto compartido e visible dende a sociedade.
Confía en Gonzalo Caballero para liderar a nova etapa no PSdeG, cre que é a persoa adecuada para recuperar o pulso?
Sen dúbida ningunha, é un magnífico secretario e será o mellor candidato á Xunta. Ten empuxe, unha enorme vitalidade, ideolóxicamente decantada á esquerda. Ninguén no panorama galego representa con tanta claridade esas ideas.
