A incorporación de Viloira (O Barco de Valdeorras) e máis de Celanova veñen de engrosar o grupo de núcleos dos municipios ourensáns directamente conectados á rede de telecomunicacións de última xeración (NGAs) que R está a despregar en toda a comunidade autónoma, dentro das accións do Plan de Banda Larga da Axencia para a Modernización Tecnolóxica de Galicia (AMTEGA).
Arestora, máis de 14.300 habitantes destes concellos (duns 8.900 fogares e empresas) teñen acceso a redes de nova xeración, e está previsto chegar proximamente a arredor de 15.800 persoas (duns 10.000 fogares e empresas) que poderán conectarse a redes de 100 e de ata 200 megas. En total, en Ourense xa hai case de 36.200 fogares e empresas (56.100 persoas) conectados a redes de nova xeración entre os concellos de Allariz, Barbadás, O Carballiño, Xinzo da Limia, Verín, A Rúa, O Barco e Celanova.
