o organismo provincial alega que a maioría de contaxios se produciron durante a corentena
A Deputación vén de publicar o seu informe de seguimento da incidencia da covid no organismo provincial e os seus centros dependentes. En total, rexistráronse -debido a infeccións por covid- 33 baixas en xaneiro e 4 en febreiro. No que respecta ao mes de marzo, ningunha polo momento.
Non obstante, para manter estes resultados, desde a Deputación recomendan a responsables políticos e traballadores "que sigan realizando as reunións por motivos laborais e organizativos por vía telemática, á espera da inmunización total mediante as vacinas".
Ademais, o organismo provincial alega que a maioría de contaxios se produciron durante a corentena debido a contactos directos con persoas contaxiadas de covid.
