En total, 168 persoas conseguiron un emprego a través dos proxectos de Cruz Vermella en Ourense, 226 recibiron formación e 970 recibiron apoio no seu proceso de busca dun emprego.
Cruz Vermella Ourense inseriu no mercado laboral o 54 por cento das persoas que participaron nos seus proxectos de emprego en 2013, segundo informou a entidade.
En total, 168 persoas conseguiron un emprego a través dos proxectos de Cruz Vermella en Ourense, 226 recibiron formación e 970 recibiron apoio no seu proceso de busca dun emprego.
Para logralo foi "fundamental", segundo destacou Cruz Vermella, "contar coa complicidade do tecido empresarial": 162 empresas da provincia colaboraron co Plan de Emprego da Institución.
"O emprego é moito máis que un traballo, é unha estratexia fundamental para a inclusión social; pero non todas as persoas teñen as mesmas oportunidades, e en Cruz Vermella traballamos pola igualdade de oportunidades e de trato, porque traballar ben e con profesionalidade non depende do sexo, orixe, ou idade", explicou María José Iglesias, coordinadora do plan de Emprego de Cruz Vermella Ourense.
