Axentes da Policía Nacional detiveron un veciño de Ourense como presunto autor dunha estafa duns
Segundo informa a Comisaría de Ourense, os feitos que motivaron a detención aconteceron o pasado día 4 deste mes.
Cando a vítima da presunta estafa lle entregou ao agora detido unha cantidade de 450 euros como adianto do prezo acordado por un ordenador e catro teléfonos móbiles.
O prezo total da venda do citado material informático e de telefonía ascendería a 650 euros, segundo concretaron as mesmas fontes policiais.
Unha vez cobrado este diñeiro acordaron unha data e un lugar de entrega dos efectos, se ben o presunto autor da estafa nunca acudiu a esta nin volveu responder ao teléfono de contacto.
Unha vez coñecidos estes datos pola Unidade de Delincuencia especializada e Violenta da Comisaría Provincial de Ourense iniciouse a investigación oportuna co fin de identificar o presunto autor dos feitos.
As devanditas investigacións deron como resultado a detención este mércores do presunto autor dos feitos. Tamén se puido determinar que o arrestado sería o presunto autor doutra estafa similar acontecida o día 31 do pasado mes.
Neste caso o agora detido, supostamente, ofrecería a venda dun teléfono móbil pola metade do seu prezo real (cen euros) e, unha vez cobrado o diñeiro, non fixo entrega deste.
O detido é un home de 40 anos de idade veciño de Ourense, ao cal lle constan tres detencións anteriores. Quedou en liberdade tras pasar a disposición xudicial.
