Os estudantes de Dereito falan cos presos de Pereiro

Trinta alumnos da Facultade de Dereito do Campus de Ourense que cursan as materias de Dereito Penal de Menores e Criminoloxía e Dereito Penitenciario, acompañados polo seu profesor Manuel Arias, visitaron o centro de menores de Montealegre e o cárcere de Pereiro. Na visita foron atendidos polos directores e profesionais dos centros, que lles explicaron o seu funcionamento e características, percorreron as instalacións e tiveron a posibilidade de falar con algúns dos internos.