O Salón de Plenos do Concello de Ourense acolleu este martes a entrega de premios da primeira edición deste certame fotográfico
Este martes o Salón de Plenos acolleu a entrega de premios do I Concurso de Fotografía Mascotas Adoptadas Responsablemente, organizado polo Concello de Ourense. Os premiados nesta primeira edición do certame foron:
1º premio (500 euros): “Unha rubia tirada na praia”, de Miguel Tirado Val
2º premio (200 euros): “Amores Perros”, de Brais Lorenzo Couto.
Ademáis, recibiron accesits (70 euros cada un):
“Tres días”, de Lois Anxo Cid García
“Copito”, de Oscar López Novoa
“Vagalume”, de Hector Novoa Pérez
“Mi segunda oportunidad”, de Ana Belén Gómez Couceiro
A concelleira de Sanidade, Sofía Godoy, agradeceu a participación neste certame posto en marcha polo actual goberno municipal e invitou "a seguir concienciando aos ourensáns na adopción de mascotas, porque se trata de compartir vida”. Tamén anunciou que as fotografías gañadoras serán expostas o vindeiro día 7 na rúa do Paseo e que este ano, por primeira vez, a Semana da Saúde contemplará un paseo con mascotas adoptadas o vindeiro domingo 17 de abril.