A Corporación de Castrelo de Miño reuniuse onte nun pleno extraordinario con motivo do falecemento do concelleiro socialista Manuel Castro Otero. Desta maneira, acordou por unanimidade gardar un minuto de silencio en sinal de recoñecemento polo compañeiro de Corporación. Asemade, ratificar o decreto da alcaldía e como mostra de condolencia declarar dous días de loito e, por tanto, 'que con carácter público e oficial suspéndanse todos os actos de carácter institucional que teñan lugar durante os días 24 e 25', ademais de ondear as bandeiras a media asta e transmitir as condolencias a familia e o PSdeG.
Manuel Castro faleceu mentras lle facían unhas probas médicas. O funeral será en Astariz, hoxe ás 17 horas.
