Varios representantes do Padroado do Museo da Limia, encabezados polo seu presidente, Delfín Caseiro, entregarán hoxe pola mañá os “actos, documentos, publicacións, adhesións, e centos de sinaturas” incluídos no expediente de Antón Tovar que se lle vai entregar ao presidente da Real Academia Galega, Víctor Fernández Freixanes.
Nado na Pereira (Rairiz de Veiga) o 26 de outubro de 1921 e finado en Ourense o 16 de xuño de 2004, Tovar foi un poeta galego que escribiu en lingua castelá e lingua galega, encadrado na chamada promoción de enlace. “Arredores” ou “Calados Esconxuros” son algúns dos seus poemarios máis destacados en lingua galega.
Esta petición non é nova, xa que dende o padroado do museo limiao levan insistindo dende 2019 na necesidade de adicarlle o máximo recoñecemento a un autor en galego ao poeta, que se convertería no undécimo ourensán galardoado. Seguiría a lista que iniciou Curros Enríquez no ano 67 e cuxo último integrante é o de 2022, o valdeorrés Florencio Delgado Gurriarán.
