Manuel Baltar expresoulles a intención de explorar liñas de colaboración entre a provincia de Ourense e Coahuila, en especial no que atinxe ao termalismo
O presidente da Deputación, Manuel Baltar, recibiu a representantes institucionais e empresariais do Estado mexicano de Coahuila, que acuden á feira Termatalia porque o vindeiro ano este certamen desenvolverase en México.
A misión institucional e empresarial, encabezada polo subsecretario de Turismo de Coahuila, Luis Alfonso Rodríguez Garza, expúxolle a Baltar as potencialidades deste estado, que conta cunha importante industria nos ámbitos automobilístico e da alimentación, dos que son líderes, e tamén no sector termal. Manuel Baltar expresoulles a intención de explorar liñas de colaboración entre a provincia de Ourense e Coahuila, en especial no que atinxe ao termalismo.
Na xuntanza, na que tamén participou o xerente de Expourense, Alejandro Rubín, estiveron con Rodríguez Garza outros tres altos cargos da secretaría de Turismo. O encontro produciuse no Pazo provincial.