A inversión para estas obras é de 69.622 euros
O Concello de A Peroxa adxudicou por 69.622 euros a mellora de camiños municipais que transcurren por distintos núcleos da parroquia con cargo ao Plan Marco que lle foi concedido ao municipio. En concreto, grazas á consecución deste investimento, realizaranse obras de bacheo e rego superficial nun total de oito camiños.
"Hai pequenas deficiencias, baches e capas de rodadura que están desgastadas", explica o alcalde da localidade, Manuel Seoane, polo que se producirá a súa reparación.
O Concello da Peroxa levaba xa un tempo á espera de que lle fose concedido o financiamento para afrontar o acondicionamento destes viais, polo que agora se verá realizada unha obra que o equipo de goberno considera moi importante.
Travesías afectadas
As travesías que se verán afectadas por estas obras de mellora son o acceso á Pousa, Toubes-Armental, Ladredo, Corvelle-Gueral, Pousada, Abedín-San Cibrao, As Paraxas-Lentomil, e a zona de entrada ao campo de fútbol.