Os grupos solicitan unha comisión con representación política, social e administrativa, que busque unha solución "inminente e consesuada" para o futuro desta infraestructura
A través dun escrito rexistrado esta mañá no Concello, OUeC e PSOE solicitaron ao equipo de goberno a convocatoria dunha mesa de traballo para o deseño e redacción dun Plan Estratéxico para as instalacións da Praza de Abastos Nº2 da Ponte, reformada e pechada dende hai máis dun ano, e bloqueada tras a recente declaración como deserto do concurso para a súa explotación.
Apoiándose na emenda de adición presentada por Ourense en Común á moción de DO no pasado pleno, os grupos solicitan a convocatoria dunha comisión, con representación de todos os grupos da oposición, asociacións de comerciantes e técnicos municipais, para desbloquear a xestión deste equipamento apoiándose nunha "solución inminente e consensuada".
Os grupos entenden que "o excesivo canon fixado no procedemento aberto que convocou o Concello, que superaba os 50.000 €, supuxo que a licitación quedase deserta, derivando no clamor do barrio, que presentaba a pasada semana máis de 4.000 firmas de veciñas e comerciantes, reclamando a súa apertura inmediata". PSOE e OueC argumentan que "a paralización da Praza de Abastos nº2, está repercutindo no pequeno comercio, provocando peche de establecementos e, en definitiva, prexudicando economicamente ao barrio da Ponte".
