Rita Hermida foi premiada esta semana como a gañadora do I Concurso Fotográfico Concello de Amoeiro. Esta veciña do concello foi escollida como a triunfadora deste certame pola súa fotografía da igrexa de Bóveda, unha das xoias arquitectónicas do concello. Por ser a primeira gañadora do concurso, foi obsequiada cunha cea para dúas persoas na Finca Tentaciones, principal colaborador do evento.
Tamén asistiu á entrega de premios o terceiro clasificado do certame, Carlos Gavilán, que retratou a fervenza do río Barbantiño, amosando a beleza do patrimonio natural do concello.
