A exposición de Tino Carbajo estará dispoñible ata o 7 de novembro na galería de arte Dodo Dadá de Ourense
O pintor vigués Tono Carbajo inaugura hoxe ás 20,00 horas a súa mostra “De volta a casa”, na galería de arte Dodo Dadá (rúa da Liberdade, 32). O artista chegaba onte a Ourense para traballar na montaxe durante toda a mañá, neste recuncho cultural de recente apertura no Casco Histórico. A exposición estará dispoñible ata o 7 de novembro. Carbajo, que reside en Barcelona, estivo en Ourense o pasado mes de xuño, realizando intervencións na paisaxe e tomando fotografías para algunha das pezas que se exhiben agora na galería.
En Dodo Dadá están moi ilusionados coa súa exposición.
Cónstame que lles fai moita ilusión, a mesma que a min. Cando vives fóra, as posibilidades de traballar na casa son unha alegría.
Percorreu Ourense para despois trasladar eses espazos á súa pintura. Que sitios o inspiraron?
Os meus últimos dous anos de obra teñen moito que ver co territorio, teño dous proxectos de longo percorrido. Utilizo a foto para xerar obra no taller. E non tiña nada de Galicia, pareceume coherente facelo.
Como define a súa pintura? É reivindicativo?
Penso que hoxe ser artista xa é un posicionamento.
Quere animar ao espectador á súa mostra?
Si, diríalle que as pinturas están feitas con moito cariño nun espazo que empeza e pode ser ilusionante.
