"O mundo máxico de Pinocho" encheu de ilusión as filas do Auditorio Municipal. Teatro innovador feito en Galicia que sorprendeu ós máis pequenos
Un instante de maxia para despedir o Nadal: Pinocho chegou ó Auditorio e os nenos da cidade axudaron á Fada Mimadriña cos seus trucos. Fixérono cas variñas máxicas que a compañía teatral repartiu para facer partícipes da obra ós máis pequenos.
"O mundo máxico de Pinocho" é teatro musical con voz e piano en directo, grandes ilusións, sombras chinesas e corpóreos. ¿Os protagonistas? Moi especiais, xa que son alter egos en galego do clásico de Carlo Collodi: Fada Mimadriña, Raposo, Gato e Pepiño Grilo.
Detrás desta obra está EducaTeatro Producións, creadora de espectáculos ca lingua e a diversión como pilares fundamentais. A aprendizaxe en valores, outro dos obxectivos das súas obras: con Pinocho, os nenos de Ourense puideron saber que dicir mentiras, ten as súas consecuencias.
Ao final da obra, puideron sacarse fotografías cos seus personaxes favoritos.
