Comezou a recollida de sinaturas entre os veciños da Derrasa (Pereiro de Aguiar), que pretenden adxuntar aos responsables da Xunta, a fin de ser tida en conta a demanda de beirarrúas que os libre dos perigos da estrada.
O pobo da Derrasa, no municipio de Pereiro, comezou unha campaña de recollida de sinaturas entre os veciños para reclamar diante do Xefe Territorial de Medio Ambiente, Infraestruturas e Ordenación do Territorio de Ourense a construcción de beirarrúas no tramo da OU-536 que discorre nas inmediacións da localidade. En dito tramo, segundo denuncian, e dende a remodelación da estrada non existe espazo para a circulación dos peóns, xa que debido á ampliación dos carrís para vehículos, aquel viuse diminuido considerablemente. E inclusive, nalgunha parte, hoxe é inexistente.
Esta circunstancia viuse agravada no momento que instalaron en ambos sentidos da circulación valados de protección, ou quitamedos, que definiti vamente obrigan aos peóns, dende o intre que non existen beirarrúas, a camiñar rebasando a liña branca e invadir a calzada delimitada para o tráfico.
Establecementos públicos
A situación na que ficaron parte dos habitantes da Derrasa despois da colocación dos valados e a ampliación dos carriles da circulación, obrígaos a desprazarse a diario por este tramo, pois trátase dun percorrido habitual e necesario para acudir a establecementos públicos. Pero tamén para achegarse ao supermercado, a carnicería, a entidade bancaria, a panadería, a oficina de correos, o acceso a zonas de paseo ou vivendas.
Entenden que corren un grave risco cada vez que pasan por ese tramo, dada a velocidade coa que circulan os vehículos por el. O problema resolveríase se a Xunta, titular da estrada, escoita as alegacións que en breve lle achegarán, e constrúe as necesarias beirarrúas.
Esta circunstancia viuse agravada no momento que instalaron en ambos sentidos da circulación valados de protección, ou quitamedos, que definiti vamente obrigan aos peóns, dende o intre que non existen beirarrúas, a camiñar rebasando a liña branca e invadir a calzada delimitada para o tráfico.
Establecementos públicos
A situación na que ficaron parte dos habitantes da Derrasa despois da colocación dos valados e a ampliación dos carriles da circulación, obrígaos a desprazarse a diario por este tramo, pois trátase dun percorrido habitual e necesario para acudir a establecementos públicos. Pero tamén para achegarse ao supermercado, a carnicería, a entidade bancaria, a panadería, a oficina de correos, o acceso a zonas de paseo ou vivendas.
Entenden que corren un grave risco cada vez que pasan por ese tramo, dada a velocidade coa que circulan os vehículos por el. O problema resolveríase se a Xunta, titular da estrada, escoita as alegacións que en breve lle achegarán, e constrúe as necesarias beirarrúas.