A fortaleza de Monterrei acolle maña sábado, ás 19,00 horas, unha nova xuntanza internacional de gaiteiros.
O Concello e a Deputación organizan este evento, no que se darán cita algúns dos grupos e solistas máis relevantes no mundo da gaita. O cartel, que onte foi presentado en Ourense, inclúe 13 actuacións presididas polos cigarróns, o homenaxe a Concha e Faustino Luis Seoane e a mostra de bibliografía e discografía de música e instrumentos populares a cargo de 'Os alegres'.
