A Policía Autonómica imputou o presunto autor dun incendio forestal rexistrado no municipio ourensano de Amoeiro, causado por un escape de queima
Segundo informa a Vicepresidencia da Xunta de Galicia, o lume rexistrouse no lugar de Cornoces, en Amoeiro, o pasado 17 de abril e no incendio arderon 1.500 metros cadrados de monte raso.
O lume, segundo precisa Vicepresidencia, foi causado por un escape de queima "ao non adoptar as medidas de prevención establecidas pola lei". Para a súa extinción foi necesaria a presenza de persoal de extinción de incendios da Xunta.
Por estes feitos, foron tramitadas dilixencias que foron remitidas ao xulgado de Instrución de garda do municipio de Ourense. No que vai de ano un total de 27 persoas foron detidas ou imputadas pola Policía Autonómica como presuntas autoras de incendios forestais.
