Cada concello recibirá unha axuda de 3.000 euros para colaborar na promoción da difusión da festa
Turismo de Galicia concederá un total de 45.000 euros en axudas a 15 concellos da provin- cia de Ourense que celebran festas que están declaradas de interese turístico galego. Segundo sinalou onte a delegada territorial da Xunta, Marisol Díaz Mouteira, este apoio vén dado pola necesidade de apoiar estas festas "que polas súas características e singularidades teñen un recoñecemento e un prestixio a nivel autonómico e son un recurso que hai que manter e potenciar, xa que a súa celebración supón un importante reclamo de atracción turística e un extraordinario incentivo para as economías locais".
A Xunta dará 3.000 euros a cada concello solicitante, para colabora nos gastos relativos á promoción e difusión turística da festa, como publicidade, cartelería, anuncios nos medios de comunicación ou actuacións artísticas.
As festas que recibirán axuda son as da Castaña e do Cogulemo, en Riós; a Romaría da Saínza, en Rairiz de Veiga; A Festa do Pemento de Arnoia; a Festa do Pemento de Oímbra; a Festa do Peixe, en Bande; o Entroido de Laza; O Folión do Entroido de Manzaneda; o En- troido de Maceda; a Festa da Androlla, en Viana do Bolo; a Festa da Exaltación do Pan de Cea; a Feiga do Viño do Ribeiro, en Ribadavia; a Festa dos Maios, en Ourense; a Xuntanza Internacional de Gaiteiros, en Monterrei; o Entroido de Vilariño de Conso e a Romaría Etnográfica Raigame, que se celebra en Celanova