O coronavirus prefire aos ricos?

Agora que xa estamos en plena colleita de datos relacionados coa incidencia da pandemia SARS covid-19 en todo o mundo, parece que fora bo pasatempo observar e tratar de darlle algo de sentido a todo isto. Pois ben, se un observante mira con certo detemento, non fai falla demasiado esforzo, ben se poidera chegar á conclusión de que o puñetero organismo en cuestión ten preferencia absoluta polos ricos, non polos humanos que estén ricos, esto é, sabrosos (cousa que dudo), senón por aqueles grupos humanos máis ricos, alomenos en bens materiais, xa saben: PIB per cápita subtancioso, estado de benestar, algúns coa mellor sanidade do mundo, etc., etc. Sei que non é habitual que nun texto de opinión se introduzan táboas numéricas, pero imos intentar que a publiquen, apelando á xenerosidade desta empresa. Vexamos unha pequena selección de países na que figuran os valores absolutos de falecidos e casos de contaxio, así como a proporción en “tantos por cada 100.000 habitantes”, dato que permite a comparación entre eles. Asegúrolles que non hai intencionalidade perversa de tipo algún na selección, simplemente verán que están en orde alfabética e o que se trata é de comparar algúns países de Asia, África e América con España e Estados Unidos. Un como -para moitos- o imperio, o máis rico, o máis poderoso; e o outro, o noso, ese que, por exemplo, ten a mellor sanidade do mundo. A presencia de Israel xustifícase para comparalo co seu veciño, Palestina. O resto deles, ainda que non do nivel de España e EEUU, ben poderían homologarse a estos dous insignes, en servizos públicos, industrialización, estado de benestar, cobertura de desemprego, seguridade social, pensións e sobre todo o sistema sanitario público universal, gratuito e magnífico. Eso si, o PIB bruto e per cápita, está nun niveliño un pouco inferior, pero bueno non “pa tanto”. Xa sei que alguén pode dicir “... é que os datos dalgúns desos países... nin se sabe...” Está ben a observación. Pero voulles demostrar que se cadra son os máis fiables, en todo caso co error que presentan os de España, Alemania ou Gran Bretaña. Para elo fáganse a seguinte pregunta: teño visto, ouvido ou lido que algunha ONG, da inmensa cohorte delas que pululan por esos lares, abrira a boca ao respecto? En serio se creen que non estarían clamando nos medios de comunicación, redes e telarañas sociais e insociais, etc, etc, no suposto que sigan por alí. Ademais de todo tipo de axencias Unicef, FAO, OMS, servicios diplomáticos... Eu teño visto nun televisor a unha ONG sanitaria recordar que fan falla vacinas infantís, non lembro en que área xeográfica. Do outro lío, “ná de ná”. Pódese, polo tanto, asegurar que o virus con corona do 19 é clasista e elitista, e non gosta demasiado dos países menos ricos, e menos dos pobres, directamente. Creo, non obstante, que ainda non sería prudente achacalo só a esa circunstancia. Hai outra cuestión que correlaciona moi ben cos datos de contaxios e mortes, e que enlaza, así globalmente, co plantexamento anterior e ten que ver coa localización xeográfica de determinados grupos e tipoloxía da poboación. E que países e/ou zonas son estos? Resposta: Europa (toda, con máis e menos afectación); América: EEUU e Canadá; Oceanía: Australia. Entre os citados absorben arredor do 72% dos contaxios do mundo. Pero non pense que fago trampa, ao contrario, estos últimos países só representan (máis-menos), o 14% da poboación mundial. E se tamén fora racista? A que grupo étinco pertence a maioría destas zonas citadas?, non son os denominados caucásicos? Cal será a preferencia do cuasi-bicho, raza ou riqueza, ou ambas? É se nos saiu clasista e racista? Manda carallo!