A páxina web de Paradores de Turismo xa está dispoñible en galego e os usuarios poderán ler a información actualizada sobre a compañía, así como as novidades no mundo da gastronomía ou as ofertas da xeografía española no idioma propio da comunidade galega, segundo indicou nun comunicado Paradores.
Así, os galegos que desexen obter información e realizar as súas reservas na súa lingua materna xa poden facelo a través da páxina web www.parador.es. Ata agora, a páxina da empresa ofrecía os seus servizos en dúas linguas oficiais; o castelán e o catalán. Ademais dispoñía de versións máis reducidas en tres linguas estranxeiras -inglés, alemán e francés- .
O peso dos clientes galegos na rede de Paradores é 'moi destacado', segundo a empresa. Na actualidade, máis de 11.500 'Amigos de Paradores' son residentes en Galicia, o que supón preto do 3% do total de membros do programa de fidelización.
O peso dos clientes galegos na rede de Paradores é 'moi destacado', segundo a empresa. Na actualidade, máis de 11.500 'Amigos de Paradores' son residentes en Galicia, o que supón preto do 3% do total de membros do programa de fidelización.
