As temperaturas mínimas sufrirán un lixeiro descenso, con xeadas en zonas do interior
Durante a xornada deste domingo refórzase a influencia anticiclónica sobre Galicia. Así, esperan bancos de néboa matinais en zonas do interior, que darán paso a ceos con máis nubes canto máis ao norte, abríndose claros progresivamente en xeral.
Así mesmo, as temperaturas mínimas sufrirán un lixeiro descenso, con xeadas en zonas do interior, mentres que as máximas experimentarán un lixeiro ascenso.
Pola súa banda, segundo a información de MeteoGalicia, departamento que depende da Consellería de Medio Ambiente, os ventos soprarán de compoñente sur, moderados na costa norte e frouxos no interior.
