A proximidade das baixas presións traerá ceos cubertos con chuvias débiles xeneralizadas, que irán remitindo a medida que avance o día.
Galicia verase afectada este xoves pola proximidade das baixas presións, o que traerá ceos cubertos con chuvias débiles xeneralizadas, que irán remitindo a medida que avance o día.
Segundo a información de Meteogalicia, o vento soprará frouxo, de compoñente oeste, agás no litoral norte, onde terá intensidade moderada con intervalos de forte durante a mañá.
As temperaturas mínimas estarán o lixeiro descenso, mentres que as máximas experimentarán unha caída moderada. Por cidades, as máis altas estarán entre os 26 graos de Ourense e os 20 graos de Santiago, Ferrol e A Coruña; mentres que as mínimas oscilarán entre os 14 graos de Lugo e os 18 de A Coruña, Ourense e Ferrol.
