As chuvias serán illadas e ocasionais na zona Leste da comunidade
Este mércores non se agardan cambios significativos na situación meteorolóxica, con Galicia na influencia das borrascas atlánticas e réxime de ventos do sudoeste. Así, o ceo estará moi anubrado con chuvascos xeneralizados.
Co avance da tarde, as chuvias intensificaranse na franxa atlántica e as precipitacións serán máis illadas e ocasionais no Leste da comunidade.
Segundo a información de MeteoGalicia, departamento que depende da Consellería de Medio Ambiente, o vento soprará moderado do sudoeste, con intervalos fortes no litoral e nas zonas altas.
Pola súa banda, as temperaturas máximas e mínimas experimentarán un lixeiro ascenso. Deste modo, as máximos subirán ata os 18 graos en Vigo, Ferrol e Pontevedra, mentres que as temperaturas mínimas baixarán ata os 10 graos en Lugo.
