Iván Pérez Souto: "O meu traballo é ser enfermeiro, gústame compaxinalo coa moda"

O xove Iván Pérez, coas súas raíces en Castro Caldelas e fortemente ligado a esta localidade, representará a Ourense no certame de beleza nacional Mister Internacional España 2024. A data oficial do concurso aínda non se sabe, pero o caldelao xa se está preparando a fondo, combinándoo co seu traballo de enfermeiro. Non é o primeiro certame ao que Pérez se presenta, no ano 2021 facíao participando como candidato a Míster Global España dese ano. Cómo remata vostede no mundo dos certames de beleza? Esto é algo reciente para min, levo relativamente poucos anos nesto. Eu non saín candidato por axencias, puxéronse en contacto conmigo directamente e díxen que sí. Desde pequeno lle chamou a atención a moda? Para nada, eu cheguei a pesar ata 127 kilos, e un día que fun mercar e non atopei tallas para min, algo fixo que cambiara. Adelgacei moito, comencei a gustarme máis e rematei neste mundillo. É importante ter forza de vontade. Certo que a roupa sempre me gustou e sentirme ben conmigo motivoume. O que saquei en claro desto é que me gustaría que a xente o intente, todo o mundo pode conseguilo igual ca min, querendo facelo, e sentirse mellor con eles mesmos. Para iso non hai idade, sempre se pode. Busca que este sexa o seu traballo? Eu son enfermeiro no Carrmen desde fai arredor de catro anos e medio e encántame o meu traballo, coidar das persoas. Desde pequeno a miña cor favorita era o verde e non sabía por qué, ata que me vestín de verde no quirófano e descubrín o motivo. Estou encantado. Estes concursos son adicionais, aínda que si me gustaría representar a algunha firma como modelo e combinalo co meu traballo. Cómo se está a preparar? Coa miña rutina diaria, ao ximnasio xa ía de antes. Non é obsesión pero motívame gustarme a min mesmo. Sinte responsabilidade por representar á provincia? Síntome contento, e non sei si responsabilidade é a palabra. Sempre me gusta superarme e si vou a algo vou a por todas, e así o farei, quero dar o mellor de min. Pero quero disfrutar, eso é o que me levo. Xa se presentou a algún concurso similar, cree que pode gañar agora con máis idade? Son certames difíciles porque compites a nivel España. No 2021 quedara entre os 15 mellores por votación popular e iso de ver o cariño da xente para min foi incrible. Creo que a experiencia é un grado e agora véxome máis maduro e con máis confianza en min mesmo. Se non se gaña o que hai que facer é que aprender, aproveitar a experiencia e coñecer xente, sen perder a esencia. Moi ligado a Castro Caldelas, como ven os seus veciños e familiares esta participación? O apoio da xente de Castro Caldelas está sempre ahí e para min é moi importante, é unha satisfacción telos ao meu carón animándome. Os meus avós e meus pais para min tamén son moi importantes. Cales destacaría como hobbies? Gústame o deporte, ir ao ximnasio, tamén a moda e a roupa, e moito os animais, os cabalos son os meus favoritos. Eu teño unha egua. Claro que os animais non falan, pero trasmíteme moita tranquilidade. Cando estou nervioso, é un lugar no que consigo relaxarme.