Alumnos e profesores dos centros que fixeron a homenaxe a Luísa Villalta concentráronse onte
Unha representación do alumnado e o profesorado dos centros educativos do Barco de Valdeorras concentrouse durante a mañá de onte no Paseo do Malecón, á altura do lugar onde foi colocado o “Pórtico a Luísa Villalta”, que elaboraron os equipos de Normalización Lingüística e que sufriu un acto vandálico na madrugada do mércores, día grande das Festas de Santa Rita. Alumnos e profesores dos institutos Martaguisela e Lauro Olmo, xunto cos dos colexios Condesa de Fenosa, Julio Gurriarán e Otero Pedrayo, ademais do Virxe do Camiño de Rubiá, levantaron a simbólica construción en conmemoración do Día das Letras Galegas, o pasado 20 de maio.
Á unha do mediodía, alumnos dos centros sentáronse no chan en sinal de protesta, procedéndose entonces a ler o manifesto que redactou Xoaquín Freixeira, docente do colexio Condesa de Fenosa. No texto apelouse á “indiferenza con que moitos e moitas de nós observamos os destrozos e pasamos por diante coma se fose algo normal”. Terminou a lectura do texto animando a recompoñer o pórtico para amosar “dunha vez por todas que non queremos que uns bárbaros condicionen a nosa vida”.
Condena do BNG
A su vez, o portavoz do grupo municipal do BNG barquense, Manuel Agra Villar, anunciaba a entrega no Concello dunha petición para que condene públicamente o “acto vandálico que sufriu o traballo dos equipos de Dinamización da Lingua Galega”, e que se solidarice coa comunidade educativa. Ademais, plantexa que lle dea os seus parabéns “polo acto de desagravio que desenvolveron este xoves” no Malecón.
