Numerosas actividades que comezarán pola tarde animarán hoxe o Samaín na cidade.
Un obradoiro de baleirado de cabazas abrirá ás 17,00 a intensa xornada que rematará de madrugada na Praza Maior coa actuación do grupo "Deabru Beltzak" e o espectáculo "Les Tambours de Feu".
Pola tarde haberá diferentes actividades coma unha representación teatral sobre a orixe desta festividade e os obradoiros "Os bosques de petrogrifos" e "Os artesáns do castro". Unha actividade de maquillaxe e feridas e outro de elaboración de chapas terán lugar antes do "Desfile de cabazas", que comezará ás 19,00 na praza da Imprenta e que rematará na Praza Maior, onde haberá festa e baile con "Uxía Lambona e a Banda Molona".
Para a noite quedará a animación polas rúas a cargo de "Aperta" e "Trópico de Grelos" e o gran "Desfile da Santa Compaña", ás 23,30, que sairá de diferentes rúas da urbe como a do Paseo, Santo Domingo, e as prazas de San Cosme, Mercedes, Padre Feijóo, Saco e Arce, Correxedor e Carballeira.
ONDE: Ourense
CANDO: Dende as 17,00 horas
