Remudar, é si, da familiar de mutar, cambiar, con ese re inicial de insistencia Así, remudar é substituír unha persoa ou cousa, poñendo outra no seu lugar e función. “Hai que lle remudar a auga ás flores”. E de aí, o participio lexicalizado remuda, “Tes as rodas do coche lapadas, tócalles remuda”. Tamén, obviamente, é palabra aplicable por extensión metafórica ao mundo social, político ou deportivo “Cómpre unha remuda nas lideranzas para adaptarse aos tempos”.
E de aí, no mundo do deporte, esta debe ser a forma correcta para cada un dos cambios que se realizan nas carreiras ou probas onde cada membro do equipo realiza un treito, “Participa nas remudas de catro por cen masculino”.