Dicía Blanco Amor en La Región o día 29/07/1971 usando a súa famosa lingua-ferrete: “Con la venia de los orensanos del ‘nolli me tanguere’, de los eternamente aquiescentes que suponen que el señalarle a la ciudad sus fallos es hablar mal de ella... En este ya largo tiempo del hablar, pensar y escribir ‘con permiso de Vd.’ no está de más tomar estas precauciones de la seudo cortesía. Decía Unamuno ‘a mí que me duele España como podía dolerme el vientre o la cabeza...’. A mí me duele mi pueblo. A los aquiescentes no les duele nada; quiza, incluso, a fuerza de no usarlos se les hayan ido enmoheciendo los sitios del dolor, las zonas álgicas del ser, que por eso gozan del lujo de complacencia, de la aquiescencia, y todo lo que no sea esta modorra les significa irritación como quien ve su siesta interrumpida. Para estos es suficiente cosas como ‘Orense, Atenas de Galicia’, fastidiosa estupidez que veintenas de pueblos hueros se han adjudicado...”.
E si. É un tópico falar da “Atenas de Galicia” para referirse a Ourense cando se fala da Xeración Nós, etc. Falso e interesado. Si, somos unha ruína cultural do noso pasado, recente e antigo. E así, Ourense, para boa parte da cultura de Galicia, só se conxuga en pretérito perfecto e en presente esperpéntico. Colonias. Non, nunca fomos Atenas.
Ordenando papeis na casa, vexo as exposicións que traía o Ateneo en 1983, ou as que se celebraban na sala de exposicións de Caixa Galicia en Xoán XXIII, ou os ciclos que Pepe Trebolle montaba e deixaba montar no Paseo; ou o que se facía na Auriense e tantos outros lugares... E si. Aínda que non fose ningunha Atenas, era unha cidade pequeneira con bastante vidiña. Hoxe anda moribunda. E si, no de que moitas poboacións eran a “Atenas de...” tiña toda a razón don Eduardo.
En Galicia, as primeiras que teño localizadas son da década de 1870 e case todas dedicadas a Compostela, e un par de veces a Pontevedra e Coruña. Incluso desde Ourense se di, por exemplo, no Album Literario do 9/9/1888: “En Santiago, la culta y venerada Atenas de Galicia...” e seguen cos topicazos da Xerusalem ou Roma de Occidente, etc. Rise do tema Enrique Labarta en El Compostelano, de 25/6/1926, nun poema no que di: “Cuando llegué a Santiago/completamente/ ya estaba todo el pueblo/ lleno de gente/ que si rebasaba/ de la medida/ pero yo soy delgado/ y hallé cabida./ Esa ciudad antigua de Compostela/ que rodea los ríos/ Sar y Sarela/ (detalle que a ninguno/ le importa un pito/ pero que a mi me acredita/ como erudito)/ la Atenas de Galicia/ que le llamamos/ los vates cursis/ cuando la mencionamos/...”
En Ourense, a cousa creo que comezou cunha conferencia de José María Castroviejo no Liceo o 11/2/1954. Alí, propiamente, lle chamou á cidade “la pequeña Atenas de Galicia” e foi recollido na prensa do día seguinte. Logo algunha pluma do xornal -como Carlos Almendrares- teimou no tema, constantemente. Iso si, sacándolle o de “pequena”. Outras plumas, ríanse. Lezcano, por exemplo, en 1965, falaba de quen vez de “Atenas” era mellor promocionar “Las Vegas de Galicia” e facer casinos e atraer así de fóra porque isto xa comezaba a encoller. En fin, nunca ningún dos grandes nomes da cultura ourensá usou nunca tal hipérbole, propia de políticos ou actores secundarios. Xoaquín Lorenzo espallouna en honra dos seus amigos.
E si, creo que hoxe, dado o ermo devecente no que nos asentamos, ao que non é allea, obviamente, a limitación cultural dos próceres locais, sería bo reivindicar o de “Hatenas de Galicia” e poñelo nos letreiros por riba do de “Cidade Termal”.
