Tito Fernández é un artesán do cine que aprendeu o oficio desde dentro, percorrendo todos os pasos. En 1971, once anos despois de asinar a súa primeira película, chegoulle o éxito popular con “Non desexarás ó veciño do quinto”, unha comedia picante na que o protagonista, Alfredo Landa, desempeñaba o papel dun homosexual que non o era. O éxito foi tal que se mantivo no primeiro posto da película española con máis recadación da historia do cine ata que a superou “Torrente, o brazo parvo da lei”, en 1998, é dicir, 27 anos despois.
O filme é unha sucesión de chistes de sal máis que grosa, de erros e situacións que farían ruborizarse, pola súa torpeza, ó máis mediocre dos autores de vodevil. É unha película moi picante, e o feito de que pasara libremente pola mesma censura que prohibe a distribución doutras aclara por si mesmo o funcionamento da mentalidade oficial respecto ó tema do sexo.. Non é unha película aberrante. É, por desgraza, unha película testemuñal. Aberrantes son as causas que a converten en testemuñal e no gran éxito que foi.
Os que a rodaron tamén lles tiveron medo ás tesoiras do censor. Alfredo Landa ten contado que, por se acaso, dobrárona dúas veces, “unha co ton de homosexual e outra co ton normal”, aínda que finalmente aprobouse a versión “boa”, e iso que el prefería interpretar ó personaxe do xinecólogo (encarnado polo francés Jean Sorel), pero Landa, finalmente convencido polo produtor José Frade, aceptou facer o papel de modista, e con tal éxito “que me ofreceron seguidas cinco películas máis de maricón... pero eu non quixen encadrarme, repetirme”.
Conta Tito Fernández que o filme pasou desapercibido na súa primeira estrea en Madrid, e que foi en Sevilla e Barcelona onde o público se entusiasmou, e de tal modo, que se reestreou onde antes non chamara a atención. Unha das críticas dicía que o director realizara un filme con bo ritmo e que Alfredo Landa acadara un espléndido traballo na súa caracterización de homosexual que non o é. Nel o actor erixiuse en emblema do ibérico reprimido, todo un subxénero do cine español.
