Quítame o ruído desta algarabía., que me espanta. O que se armou e se está armando por uns chistes de Guillermo Zapata vai máis alá do propio barullo. E nótase ás leguas que son simples chistes. Que alguén tire a primeira pedra se nunca contou un chiste sobre os desvalidos, sobre os miserables, sobre os amargados. Sempre fomos un país propenso a burlarnos dos débiles en plan serio. Zapata solta chistes. Seguro que ata o político máis honrado contaría algunha vez chistes sobre mongólicos; non si? Non nos estaremos “pasando” un chisco? Agora imputan a Zapata por humillación ás vítimas do terrorismo. De que terrorismo? Terrorismo é ter caixas B e C e D e de zapatos en Suíza. Terrorismo é ter a un pobo buscando e rebuscando nos contedores de lixo mentres eses “terroristas” trasladan as caixas en BMW ou Mercedes ou Audis. E non están imputados! Quítame o ruído desta algarabía, que me está cabreando. Do chiste de escola a ladroízo de poltronas. Quen é máis culpable? Nótase que segue a caza de bruxas. Quítame o ruído desta algarabía, que sinto pena. Posdata: ó mellor acabo de meterme en danzas por isto da lei mordaza.
