“A misericordia do Señor endexamais remata,
nunca falla a súa fidelidade; é nova cada mañán”
(Lamentacións 3:22-23)
Xeremías escribiu o libro de Lamentacións cando Xerusalém foi sitiada por Babilonia e a maioría dos seus habitantes foron levados ao desterro. A cidade quedou desolada e Xeremías chorou ao vela porque Deus tentou salvar o seu pobo unha e outra vez, pero eles non quixeron escoitalo.
Aparentemente a situación non tiña remedio, pero as palabras do profeta falando do amor de Deus, que se renova na nosa vida cada mañán, son a fortaleza da nosa alma.
Ás veces vivimos en situacións de desolación, tristeza e soedade, e sentímonos rodeados por preocupacións que non podemos resolver; neses momentos é cando debemos lembrar que a fidelidade de Deus é eterna. El non nos abandona, empeñou a súa palabra en facelo! Nos momentos mais oscuros da vida, sabemos que El brilla, a súa luz guíanos á restauración.
Hoxe é o día de volver a Deus: a súa fidelidade é a nosa seguridade.
