“Decidín, despois de me informar con tino desde as orixes, escribir os feitos para ti, a fin de que coñezas ben a firmeza das ensinanzas” (Lucas 1:4)
Lucas foi un médico que escribiu o evanxeo que leva o seu nome para amosar dun xeito rigorosamente histórico os feitos que aconteceron en canto á vida, a morte e a resurrección de Xesús. As palabras usadas polo evanxelista son as máis precisas para definir todas as circunstancias. Quere que teñamos completa seguridade en canto ao que lemos.
Como médico, Lucas explica cada un dos detalles da morte e a resurrección do Mesías e preséntao como o vencedor, o único que pode transformar a vida do mundo enteiro. Esa resurrección é o evento máis importante da historia, evento profetizado e dirixido ata o máis mínimo detalle, e cumpriuse para que non teñamos ningunha dúbida. O Vencedor sobre a morte ten poder para salvar, sabe como facelo e quere facelo porque nos ama a todos. Diso se trata a historia.
