“Todo o que respira louve ao Señor”
(Salmo 150)
O libro dos Salmos é un libro de cantigas. Escrito por diferentes autores, todos teñen en común o feito de derramar o seu corazón diante do Creador. Cando lemos este libro aprendemos que Deus quere saber o que sentimos, sexa o que sexa, non importa se estamos a pasar momentos difíciles, ou se nos queixamos! Podemos contar con Deus sempre, porque El sempre está a escoitarnos e axudarnos.
A derradeira frase do libro é: “Todo o que respira, louve o Señor, Aleluia!”. Toda a creación adora a Deus, e só quen o fai pode disfrutar de todo o que El creou. Todos adoramos algo ou alguén, pero se confiamos no que é finito, máis tarde ou máis cedo imos desencantarnos, porén se adoramos a Deus, podemos estar seguros de que El xamais nos decepcionará. Cando coñecemos a Deus, a ledicia mistúrase coa música cada día, a pesares de todas as dificultades. Con El vivimos nunha cantiga eterna.
