“Combatín unha loita brillante,
rematei a miña carreira, gardei a fe.
O que me resta é a coroa que me está reservada”
(2 Timoteo 4:7)
Cando Paulo está a piques de rematar a súa vida, usa as palabras do contexto dos xogos olímpicos para falar de fidelidade. Son frases que me gustaría dedicar a todos aqueles que xa teñen máis anos, porque cando a vida vai pasando os verdadeiros campións son aqueles que poden ver o coidado de Deus nas súas vidas.
O Apóstolo non só escribe, senón que vive. Non fala de fidelidade, senón que a demostra na súa vida: dedicou toda a vida a predicar o evanxeo en todo o mundo coñecido, ata o Finisterra, como menciona unha vez, mesmo tendo que soportar dor, sufrimento, loitas, envexas, desprezo e incomprensión. El sabe que Deus xamais nos abandoa, sexan cales sexan as circunstancias, así que pode rematar a súa carreira para gañar a coroa da vida. Un exemplo admirabel.
