Entrega do premio Trasalba 2022 a Carlos Mella

O político, economista e escritor Carlos Mella recolleu este mediodía o premio Trasalba 2022 a súa traxectoria e impulso á cultura galega. No seu discurso recoñeceu a emoción de recoller este galardón na casa de Otero Pedrayo e ensalzou o valor da cultura galega. O exvicepresidente da Xunta aproveitou a ocasión para lamentar que Galicia non teña unha "presenza real" pese a ser unha nación. "Hai moitos galegos que non falan galego, que non pensan en galego", remarcou.