O torneo celebrouse no pavillón de deportes da vila e participaron no mesmo 30 equipos, procedentes de toda a provincia e divididos en categorías
A terceira edición do torneo solidario de fútbol sala que organizaron as Novas Xeracións (NN.XX.)do PPdeG de Xinzo de Limia constituiu un novo éxito. Celebrouse ao longo do pasado fin de semana e no mesmo chegaron a recollerse máis de 1.800 kilos de alimentos, o que constitúe "un motivo de enerme satisfacción", segundo sinalou José Antonio Parente, presidente de NN.XX. de Xinzo, quen agradeceu a colaboraron dos equipos participantes, da concellería de Ceportes, dos patrocinadores e do público asistente aos partidos.
O torneo celebrouse no pavillón de deportes da vila e participaron no mesmo 30 equipos, procedentes de toda a provincia e divididos en categorías: sub 16, na que se impuxo o Sporting Lameiro; feminina, na que gañou o Xinzo FS, e os afeccionados, na que a vitoria foi para o equipo Herbas Aromáticas.
