A LIMIA

Xinzo reedita a semana adicada a Carlos Casares

Prolongarase do 8 ao 13 de abril e incluirá actividades para os estudantes

Parte da Corporación municipal cos representantes da Fundación Carlos Casares onte en Xinzo. (P. PALOMANES)
Parte da Corporación municipal cos representantes da Fundación Carlos Casares onte en Xinzo. (P. PALOMANES)
Xinzo reedita a semana adicada a Carlos Casares

Xinzo acollerá este ano, por segunda vez, a semana adicada ao seu escritor máis senlleiro: Carlos Casares. Durante sete días, que se prolongarán dende o 8 ao 13 de abril, a vila limiá será escenario de distintas actividades que estarán protagonizadas, principalmente, polos escolares da comarca, e nas que o Consistorio investirá preto de 10.000 euros. 

A principal novidade de este ano será a celebración do "Xogo do Papapío", dúas sesións dun proxecto didáctico interactivo, que estará conducido por un actor e dirixido a grupos escolares de entre 3º e 6º de primaria. O obxectivo do mesmo será potenciar a retención, o traballo en equipo, a imaxinación e o xogo dos máis cativos. 

Por outra banda, haberá unha exposición na Casa da Cultura na que se amosarán un cento de cubertas dos libros do escritor limiao de diferentes xéneros e edicións. 

No apartado dos concursos, "A galiña azul" e "Capas para as Letras Galegas" irán destinados a todos os centros de ensino da comarca para tratar de potenciar a capacidade creativa dos escolares. Tanto gañadores como participantes recibirán diplomas, lotes de libros e agasallos sorpresa. O concurso "A Limia é así" escollerá o mellor texto breve, a mellor fotografía e a mellor curta para as redes sociais. 
A mostra dos Mundos de Carlos Casares reabrirá en breve e o Concello espera ampliala cunha maqueta de trens do autor.n