O 3 de maio celebrarase en Allariz a tradicional festividade dos Maios e o concurso de coplas, que terá lugar na Alameda. O evento dará comezo ás 11,30 horas, momento no que os Maios farán a súa chegada á Alameda, onde permanecerán expostos durante toda a fin de semana.
Os interesados poderán gozar dun concurso de coplas a partir das 11,30 horas ata ás 13,30 horas, co acompañamento musical do Grupo de Gaitas “De Pé Feito”.
Para participar no concurso de Maios, a inscrición está aberta ao público en xeral e debe formalizarse na Casa da Cultura. Poden inscribirse individualmente ou como grupo, cun mínimo de 8 persoas. Establécense premios en efectivo para os tres primeiros lugares en cada modalidade. Os Maios deben construírse utilizando materiais como madeira, arpilleira, musgo, entre outros.
En canto ao concurso de Coplas, as bases son as seguintes: establécense dúas categorías: coplas de nenos de 3 a 11 anos e coplas de adultos a partir dos 12 anos. Requírese a inscrición como grupo, cun mínimo de 8 persoas. As coplas débense entregar mecanografadas na Casa da Cultura.
As coplas serán cantadas o día 3 de maio na Alameda, a partir das 11,30 horas. O prazo de inscrición finaliza o 30 de abril, tanto para anotarse na modalidade de Maios como de coplas. O veredicto do xurado darase a coñecer o día 6 de maio.
