Señor conselleiro: En relación coa adxudicación definitiva de destinos para o curso 2012/2013, entre o profesorado que non teña destino definitivo ou que sexa desprazado, e especialmente no referente ao profesorado especialista en francés, queremos trasladarlle o noso pesar polo tratamento recibido en expectativas de destino e en consecuencia polo alumnado que será atendido por profesorado que non tivo que acreditar o seu coñecemento de idiomas.
No marco do Plan de Potenciación das Linguas Estranxeiras, non parece que o resultado de dita adxudicación responda a ningún criterio de calidade. Na listaxe atópanse 9 profesores de francés sen destino asignado, mentres que ata 39 profesores doutras especialidades o obteñen por impartir francés como materia afín, feito que non parece ter correspondencia coa esixencia do nivel B2. Ademais, non só prexudica ao profesorado senón que é responsabilidade educativa; repercute no alumnado e no nivel de idiomas das novas xeracións.
Queremos lembrarlle que o profesorado de materia afín impartirá nos niveis nos que a segunda lingua ten carácter obrigatorio e que son o piar para desenvolver a biografía lingüística da mocidade. Por todo iso rogamos que tales desigualdades sexan corrixidas para permitir un aproveitamento racional dos docentes, xa que esta medida suporía un incremento cualitativo sen ir acompañado dun incremento económico.
Queremos lembrarlle que o profesorado de materia afín impartirá nos niveis nos que a segunda lingua ten carácter obrigatorio e que son o piar para desenvolver a biografía lingüística da mocidade. Por todo iso rogamos que tales desigualdades sexan corrixidas para permitir un aproveitamento racional dos docentes, xa que esta medida suporía un incremento cualitativo sen ir acompañado dun incremento económico.
