O BNG de Celanova rexistrou unha moción no Concello na que reclaman á Xunta de Galicia unha partida económica para atender ó servizo de axuda no fogar nos concellos do rural. Os nacionalistas entenden que a crise económica está provocando un incremento importante de persoas que demandan servizos sociais públicos para cubrir boa parte das súas necesidades máis básicas e fundamentais.
Non obstante, consideran que as políticas aplicadas polos gobernos do PP padeceron un 'brutal recorte orzamentario' no financiamento destes servizos. 'A situación é cada vez máis grave no Concello de Celanova', asegura o portavoz celanovés, Leopoldo Rodríguez Puga, que entende que a Xunta non pode seguir 'eludindo as súas responsabilidades' á hora de dotar ós concellos rurais dos recursos económicos e humanos necesarios para facer fronte a este grave problema social.
Na moción, que trasladarán ao resto de grupos locais, piden unha partida económica nos orzamentos de 2014 similar a do ano 2010 para atender dito servizo en todolos concellos de menos de 20.000 habitantes.
Na moción, que trasladarán ao resto de grupos locais, piden unha partida económica nos orzamentos de 2014 similar a do ano 2010 para atender dito servizo en todolos concellos de menos de 20.000 habitantes.