Ferrol abrirá o calendario de feiras do libro en Galicia coa celebración da súa 'Festa da Lectura, do Libro e da Palabra' que se celebrará dende o 6 ao 10 de abril, tras o pregón da escritora Rosa Aneiros e coa celebración de actividades musicais, teatrais e didácticas.
A Feira do Libro de Ferrol arrancará o mércores 6 de abril no Cantón de Molíns, coa presenza de 11 stands, dos que sete serán de librarías, que ofrecerán descontos do 10 por cento, e marcada polo obxectivo de fomentar o hábito da lectura e introducilo como unha rutina diaria dos cidadáns.
Os estudantes serán os primeiros destinatarios das actividades programadas, e a eles dedicaranse as sesións teatrais organizadas no Teatro Jofre dende o mércores pola mañá, a cargo da Escola Superior de Arte Dramática de Galicia, que representará a obra 'Lela anda en bicicleta', baseada nun conto de Carlos Casares.
O acto inaugural celebrarase o día 6 ás 19.30 horas na Praza da Constitución, coa intervención da escritora Rosa Aneiros, e a música do Real Coro Toxos e Froles.
Unha das novidades será a celebración dun maratón de lectura na sede da Fundación Novacaixagalicia que terá a Castelao como eixe central, e que se desenvolverá tanto para centros escolares coma para público en xeral, o xoves entre as 10.00 e as 14.00 horas.
CALENDARIO
O calendario de actos do venres 8 de abril incluirá un percorrido histórico pola poesía galega, destinado ao alumnado de 4º, 5º e 6º de Educación Primaria, e dirixido por Lucía Aldao e María Lado, na carpa institucional.
No marco da 'Festa da Palabra' tamén terán cabida as actuacións diarias de músicos do Conservatorio de Música Xan Viaño de Ferrol, do monólogo cómico 'Cunqueiradas' con Cándido Pazó ou unha zona de xogos populares.
Ademais, na carpa instalada no Cantón de Molíns poderase visitar a exposición 'Juan Farias. Un mar de palabras e de imaxes sobre o escritor e ferrolano universal', así como a mostra fotográfica 'Os cines na bisbarra de Ferrolterra'.
E como é habitual, tamén estarán presentes escritores como Diego Ameixeiras, Anxo Sucasas, Yolanda Castaño, Xabier Docampo ou Fina Casalderrey.
Os estudantes serán os primeiros destinatarios das actividades programadas, e a eles dedicaranse as sesións teatrais organizadas no Teatro Jofre dende o mércores pola mañá, a cargo da Escola Superior de Arte Dramática de Galicia, que representará a obra 'Lela anda en bicicleta', baseada nun conto de Carlos Casares.
O acto inaugural celebrarase o día 6 ás 19.30 horas na Praza da Constitución, coa intervención da escritora Rosa Aneiros, e a música do Real Coro Toxos e Froles.
Unha das novidades será a celebración dun maratón de lectura na sede da Fundación Novacaixagalicia que terá a Castelao como eixe central, e que se desenvolverá tanto para centros escolares coma para público en xeral, o xoves entre as 10.00 e as 14.00 horas.
CALENDARIO
O calendario de actos do venres 8 de abril incluirá un percorrido histórico pola poesía galega, destinado ao alumnado de 4º, 5º e 6º de Educación Primaria, e dirixido por Lucía Aldao e María Lado, na carpa institucional.
No marco da 'Festa da Palabra' tamén terán cabida as actuacións diarias de músicos do Conservatorio de Música Xan Viaño de Ferrol, do monólogo cómico 'Cunqueiradas' con Cándido Pazó ou unha zona de xogos populares.
Ademais, na carpa instalada no Cantón de Molíns poderase visitar a exposición 'Juan Farias. Un mar de palabras e de imaxes sobre o escritor e ferrolano universal', así como a mostra fotográfica 'Os cines na bisbarra de Ferrolterra'.
E como é habitual, tamén estarán presentes escritores como Diego Ameixeiras, Anxo Sucasas, Yolanda Castaño, Xabier Docampo ou Fina Casalderrey.
