O Comité de Empresa da TVG denuncia que se enviaron a reporteiros gráficos 'sen asignación de xornalistas' para gravar 'entrevistas' a altos cargos da Administración autonómica, entre o 5 e o 29 de decembro.
A este respecto, a dirección do ente público expresa o seu 'rexeitamento absoluto' polo feito de que o órgano dos traballadores 'non se ateña ao seu deber profesional de ser fiel á realidade', cando -indica nun comunicado- 'sabe perfectamente que non se emitiu ningunha entrevista con eles, senón que se inseriron declaracións soltas dentro das noticias'.
O comité de empresa expresa, pola súa banda, o seu 'total rexeitamento a unha práctica anómala na elaboración de noticias que se aplicou profusamente nos servizos informativos durante o mes de decembro'.
Segundo explica nun comunicado, consiste en 'gravar entrevistas a altos cargos da Xunta para elaborar noticias para o Telexornal, pero sen a participación de entrevistador -xornalista- de TVG'. Agrega que para este labor, a xefatura de informativos 'só enviou reporteiro gráfico coa indicación de preguntar polo persoal de prensa vinculado ao entrevistado. Ese persoal de prensa foi quen entrevistaba ou daba as indicacións par que o alto cargo fixese a súa declaración sobre un determinado asunto'.
Así, indica que os días 5, 22 e 29 de decembro graváronse catro lotes destas 'peculiares entrevistas a un total de 13 altos cargos do goberno, entre eles, o conselleiro de Medio Rural'. Di expresamente 'só vai reporteiro gráfico' ou 'enviar cámara' coa observación de 'falar' ou 'darlle as fitas' ao redactor xefe.
ACABAR CON ESTAS PRÁCTICAS
A este respecto, o comité de empresa considera que este xeito de elaborar noticias 'non responde aos mínimos requiridos para conseguir unha información de calidade' e denuncia que se trata dunha 'práctica contraria aos principios básicos do bo facer profesional' e, en consecuencia, se 'afasta do rigor que se require nos informativos dunha televisión pública'.
'É inaceptable que a función de entrevistador se lle outorgue a persoal do gabinete de comunicación do entrevistado en vez de a profesionais da TVG. Considerámolo tamén unha mostra máis de desprezo aos profesionais da casa', engade, para pedir que 'se rematen coas prácticas que, como esta, menoscaban a credibilidade' do medio.
'ENGANAR Á OPINIÓN PÚBLICA'
Pola súa banda, a dirección da TVG expresa o seu 'rexeitamento absoluto' polo feito de que este órgano 'trate de enganar á opinión pública' e puntualizou que o envío de reporteiros gráficos a facer provisión de materiais informativos 'é unha práctica habitual en todos os medios de comunicación, especialmente en situacións de escaseza de persoal como sucede na ponte da Constitución'.
Neste sentido, a televisión pública indica que 'non renuncia a xestionar eficazmente o seu persoal en tempos de recortes', de maneira que, ante períodos festivos, 'planifica contidos facendo seguimento de diversos temas de actualidade, moitas veces relacionados con departamentos da Administración autonómica, para emitir en días de baixa intensidade informativa e tendo en conta que cada telexornal contén entre 80 e 100 noticias distintas e dura unha hora'.
A dirección da TVG lamenta que 'nas actuais circunstancias, o comité de empresa actúe coma se vivise en tempos de prosperidade e se dedique a intentar desacreditar a súa empresa con calquera pretexto'.
O comité de empresa expresa, pola súa banda, o seu 'total rexeitamento a unha práctica anómala na elaboración de noticias que se aplicou profusamente nos servizos informativos durante o mes de decembro'.
Segundo explica nun comunicado, consiste en 'gravar entrevistas a altos cargos da Xunta para elaborar noticias para o Telexornal, pero sen a participación de entrevistador -xornalista- de TVG'. Agrega que para este labor, a xefatura de informativos 'só enviou reporteiro gráfico coa indicación de preguntar polo persoal de prensa vinculado ao entrevistado. Ese persoal de prensa foi quen entrevistaba ou daba as indicacións par que o alto cargo fixese a súa declaración sobre un determinado asunto'.
Así, indica que os días 5, 22 e 29 de decembro graváronse catro lotes destas 'peculiares entrevistas a un total de 13 altos cargos do goberno, entre eles, o conselleiro de Medio Rural'. Di expresamente 'só vai reporteiro gráfico' ou 'enviar cámara' coa observación de 'falar' ou 'darlle as fitas' ao redactor xefe.
ACABAR CON ESTAS PRÁCTICAS
A este respecto, o comité de empresa considera que este xeito de elaborar noticias 'non responde aos mínimos requiridos para conseguir unha información de calidade' e denuncia que se trata dunha 'práctica contraria aos principios básicos do bo facer profesional' e, en consecuencia, se 'afasta do rigor que se require nos informativos dunha televisión pública'.
'É inaceptable que a función de entrevistador se lle outorgue a persoal do gabinete de comunicación do entrevistado en vez de a profesionais da TVG. Considerámolo tamén unha mostra máis de desprezo aos profesionais da casa', engade, para pedir que 'se rematen coas prácticas que, como esta, menoscaban a credibilidade' do medio.
'ENGANAR Á OPINIÓN PÚBLICA'
Pola súa banda, a dirección da TVG expresa o seu 'rexeitamento absoluto' polo feito de que este órgano 'trate de enganar á opinión pública' e puntualizou que o envío de reporteiros gráficos a facer provisión de materiais informativos 'é unha práctica habitual en todos os medios de comunicación, especialmente en situacións de escaseza de persoal como sucede na ponte da Constitución'.
Neste sentido, a televisión pública indica que 'non renuncia a xestionar eficazmente o seu persoal en tempos de recortes', de maneira que, ante períodos festivos, 'planifica contidos facendo seguimento de diversos temas de actualidade, moitas veces relacionados con departamentos da Administración autonómica, para emitir en días de baixa intensidade informativa e tendo en conta que cada telexornal contén entre 80 e 100 noticias distintas e dura unha hora'.
A dirección da TVG lamenta que 'nas actuais circunstancias, o comité de empresa actúe coma se vivise en tempos de prosperidade e se dedique a intentar desacreditar a súa empresa con calquera pretexto'.
